काठमाडौं । सरकारको नीति तथा कार्यक्रम संसद्बाट पारित भएको छ । प्रमुख प्रतिपक्षी दल नेपाली कांग्रेसको विरोधका बावजुत संसदबाट आर्थिक वर्ष २०८१÷०८२ को नीति तथा कार्यक्रम पारित भएको हो ।
गत जेठ १ गते राष्ट्रपति रामचन्द्र पौडेलले संसद्मा सरकारको नीति तथा कार्यक्रम पेश गरेका थिए । सरकारले संसद्मा पेश गरेको नीति तथा कार्यक्रम बहुमतले पारित भएको सभामुखले घोषणा गरेका थिए ।
सरकारको नीति तथा कार्यक्रममा पेश भएका दुई वटा संशोधन बहुमतले अस्वीकृत भएको थियो । अब जेठ १५ गतेसम्मका लागि संसद् बैठक स्थगित भएको छ ।
सभामुख देवराज घिमिरेले सरकारको बजेट प्रस्तुत गर्नका संयुक्त सदनको बैठक जेठ १५ गते दिउँसो १ बजेका लागि आह्वान गरेका छन् ।
जेष्ठ १३, २०८१ ०१:२५ मा प्रकाशित
