काठमाडौँ । नेपाल समाजवादी पार्टीका अध्यक्ष डा बाबुराम भट्टराईले पुराना दलका नेताहरु धृतराष्ट्र बनिसकेको भन्दै उनीहरुको बाहुपाशमा नफस्न नयाँ दलका नेताहरुलाई सुझाव दिएका छन् ।
साथै उनले अहिलेको व्यवस्थालाई थप परिमार्जन गर्दै अघि बढ्नुपर्ने बताएका छन् । नेपाल समाजवादी पार्टीको स्थापना दिवसका अवसरमा बुधबार काठमाडौंमा आयोजित कार्यक्रममा भट्टराईले अहिलेको संविधान आधा भरिएको र आधा खाली गिलास भएको भन्दै यसलाई पूर्ण बनाउन शासकीय स्वरुप लगाएका व्यवस्थालाई परिमार्जन गर्दै अघि बढ्नुपर्ने बताएका हुन् ।
उनले प्रदेश र केन्द्रमा प्रत्यक्ष निर्वाचित कार्यकारीको व्यवस्था हुनुपर्ने धारणा राखे । भट्टराईले राजनीतिक स्थीरता र भ्रष्टाचार मुक्त देश नवनाएसम्म बिकास हुन नसक्ने बताए । उनले अबको केही वर्षभित्र देशको नेतृत्व गर्ने वैकल्पिक शक्तिले नै गर्ने दावी गरे ।
जेष्ठ ३०, २०८१ ०४:५७ मा प्रकाशित
