काठमाडौँ । पछिल्लो २ दिनमा प्राकृतिक विपत्तिमा परेर ६२ जनाले ज्यान गुमाएका छन् । नेपाल प्रहरीले देशभरबाट सङ्कलन गरेको साँझ ६ बजेसम्मको पछिल्लो तथ्याङ्कअनुसार बाढी, पहिरो, चट्याङ र डुबानमा परेर ६२ जनाको ज्यान गएको हो ।
यस्तै विपत्तिमा परेर ४३ जना बेपत्ता भएका छन् भने ३६ जना घाइते भएका छन् । घाइतेहरूको उपचार जारी छ भने घाइतेहरूको खोजी पनि निरन्तर छ ।
प्रहरीको विवरणअनुसार विपत्तिमा फसेका एक हजार ४५६ जनाको सकुशल उद्धार गरिएको छ । देशभर उद्धार र खोजका लागि २० हजार सुरक्षाकर्मी परिचालन गरिएको सरकारले जनाएको छ ।
शुक्रबार बिहान देखि देशभर सक्रिय रहेको मनसुनका कारण पूर्व देखि पश्चिम नेपालसम्मै भिषण वर्षा भइरहेको छ ।
आश्विन १२, २०८१ ०६:१७ मा प्रकाशित
