काठमाडाेँ । प्रमुख प्रतिपक्षी दल नेकपा एमालेले विवादित मन्त्रीहरुलाई बर्खास्त गर्नुपर्ने माग राखेको छ । एमालेका प्रमुख सचेतक पदम गिरीले संसद बैठकमा आकस्मिक समयमा बाेल्दै प्रधानमन्त्रीको ध्यानाकर्षण गराएका हुन् ।
प्रमुख सचेतक गिरीले प्रधानमन्त्रीले विवादित मन्त्रीहरूबारे छिटो जवाफ दिनुपर्ने दोहोर्याए । उनले भने, ‘विवादित मन्त्रीहरूबारे छिटोभन्दा छिटो प्रधानमन्त्रीले जवाफ दिनुहोस् । बदनीयत बोकेका र छानबिनमा रहेका मन्त्रीलाई चाँडो बर्खास्त गरियोस् ।’
एमाले लगायतका दलहरुले बालकुमारी घटनामा सरकारले गठन गरेको आयोगमा भौति पूर्वाधारमन्त्री प्रकाश ज्वाला दोषी देखिएको भन्दै राजिनामाको मग गर्दै आएका छन् । त्यस्तै टेरामस्क प्रबिधि खरिद प्रकरण स्वास्थ्य तथा जनसंख्यामन्त्री मोहन बस्नेत अख्तियारको छानबिनमा परेकाले उनले राजनिामा दिनुपर्ने माग संसदमा उठेको छ । यता रामग्राम क्षेत्रको जग्गा भाडामा दिने निर्णय गरेका संस्कृति पर्यटन तथा नागरिक उडड्यन मन्त्री सुदन किरातीलाई बर्खास्त गर्नुपर्ने माग गरिएको छ ।
