काठमाडौँ । आईसीसी टी२० विश्वकप २०२४ मा वर्षाको कारण नेपाल र श्रीलंकाबीचको खेल रद्द भएको छ । खेल रद्द भएपछि दुबै टोलीले १/१ अंक बाँडेका छन् ।
नेपालले समूह चरणको पहिलो खेलमा नेदरल्यान्ड्ससँग छ विकेटले पराजित भएको थियो भने श्रीलङ्का पहिलो खेलमा दक्षिण अफ्रिकासँग छ विकेट र दोस्रो खेलमा बङ्गलादेशसँग दुई विकेटले पराजित भएको थियो ।
आजको खेलपछि समूह चरणका बाँकी दुई खेल खेल्न नेपाली टोली वेस्टइन्डिज जानेछ । वेस्टइन्डिजको सेन्ट भिन्सेन्टमा नेपाली टोलीले यही जेठ ३२ गते दक्षिण अफ्रिका र आगामी असार २ गते बङ्गलादेशसँग खेल्नेछ ।
जेष्ठ ३०, २०८१ ०६:२७ मा प्रकाशित
