दुबई। यूएईको दुबईमा आयोजित रक्तदान शिविरमा १२७ जनाले रक्तदान गरेका छन्। रक्तदाता संघ यूएईले दोस्रो पटक आयोजना गरेको शिविरमा २३ जना महिला र १०४ जना पुरुषले रक्तदान गरेको कार्यक्रम संयोजक जगन अधिकारीले जानकारी दिए।
शिविरमा १६१ जना सहभागी भए पनि कतिपयको स्वास्थ्य अवस्था अनुकूल नभएकोले रक्तदान गर्न नसकेको अधिकारीले बताए। शिविरमा सामान्य स्वास्थ्य परीक्षण अन्तर्गत रक्तचाप, हेमोग्लोबिनजस्ता परीक्षणहरू पनि गरिएको थियो।
कार्यक्रममा प्रवास नेपाली सम्पर्क विभागका यूएई प्रमुख सुजन थापाले रक्तदान गरी शिविरको उद्घाटन गरेका थिए।
पुस २, २०८१ ०८:२५ मा प्रकाशित
