सुर्खेत । नेकपा माओवादी केन्द्र कर्णाली प्रदेश सरकारबाट बाहिरिएको छ । केन्द्रमा फेरिएको सत्ता समिकरणका कारण सोमबार माओवादी केन्द्रका मन्त्रीहरूले सामूहिक राजीनामा दिँदै सरकार छोडेका हुन् । यससँगै कणार्ली प्रदेश सरकारबाट माओवादी पहिलो पटक प्रतिपक्षमा पुगेको छ ।
सोमबार माओवादीबाट मन्त्री बनेका आर्थिक मामिला तथा योजना मन्त्री महेन्द्र केसी, सामाजिक विकास मन्त्री विरबहादुर शाही, उर्जा तथा जलस्रोत मन्त्री रणसिंह परियार र उद्योग, पर्यटन वन तथा वातावरण मन्त्री दुर्ग रावतले सामूहिक राजीनामा दिएका हुन् ।
केन्द्रमा एमाले कांग्रेस गठबन्धन भएसँगै प्रदेशमा पनि यसको असर परेको हो । कर्णालीमा एमाले नेता यामलाल कँडेल नेतृत्वको सरकारमा कांग्रेस सहभागी हुने भएको छ ।
श्रावण ७, २०८१ १२:४७ मा प्रकाशित
