काठमाडौं । वरिष्ठ गायक तथा संगीतकार भक्तराज आचार्यको निधन भएको छ । सोमबार अपरान्ह अचानक अक्सिजन लेभल कम भएपछि अस्पताल लैजाने क्रममा बाटोमै निधन भएको पारिवारीक स्राेतले जनाएकाे छ । उनकाे ८२ वर्षकाे उमेरमा निधन भएकाे हाे ।
आचार्यको पार्थिव शरीरलाई मंगलबार बिहान ९ बजे संगीत तथा नाट्य प्रज्ञा प्रतिष्ठानको परिसरमा अन्तिम श्रद्धाञ्जलीका लागि राखिने भएको छ ।
नेपाली सुगम संगीतमा विशिष्ट स्थान बनाएका आचार्यले ४ सय बढी गीतमा स्वर तथा संगीत भरेका छन् । भजन शिरोमणिको उपाधिबाट प्राप्त आचार्यले दर्जनाैँ भजन पनि गाएका छन् ।
फाल्गुन १४, २०८० ०६:०६ मा प्रकाशित
