झापा । झापाको दमकमा गौहत्या भएको छ ।
दमक नगरपालिका वडा नम्वर २ बस्ने ६७ वर्षीय लक्ष्मण बिष्टको वडा नम्वर १ मा रहेको गाईगोठबाट मंगलबार राती गाई चोरेर लगेर हत्या गरिएको हो । गोठबाट अकलापुरी ग्रिन सिटी तथा बाबा विश्वकर्मा मन्दिर प्रवेशद्वारको गेटबाट १०० मिटरको दूरीमा गाईलाई मारिएको छ । गाईको छाला तासेर मासु लगिएको छ । घटनास्थलमा पुगेका दमक नगरपालिकाका प्रमुख रामकुमार थापाले घटना निन्दनीय रहेको र यो एउटा आपराधिक मनोवृत्ती भएकाहरुको झुण्डबाट भएको घटनाको निश्पक्ष छानबिन गर्ने बताएका छन् ।
उनले घटनास्थलमै रहेका दमक प्रहरी प्रमुखलाई घटनाको निश्पक्ष छानबिन गरि दोषी उपर हदैसम्मको कारबाही गर्न आग्रह गरेका छन् ।
यसैबिच, राप्रपा अध्यक्ष राजेन्द्र लिङदेनले दमकमा भएको गौहत्याप्रति सरकारको ध्यानाकर्षण गराएका छन् । दमकको घटनापछि सामाजिक संजालमार्फत अर्काको गोठको गाई चोरेर हत्या गर्नु निन्दनीय र चरम अराजकता भएको भन्दै यस प्रकारका कार्यहरू अविलम्ब रोक्न उनले सरकारको ध्यानाकर्षण गराएका हुन् ।
