काठमाडाैँ । काठमाडौँको जोरपाटीको एक धागो कारखानामा आगलागी भएको छ । जोरपाटीको नयाँ पार्टी चोकमा रहेको मनकामना उल कार्डी प्रालिमा आगलागी भएको हो ।
जिल्ला प्रहरी परिसर काठमाडौँका एसपी तथा प्रवक्ता नवराज अधिकारीका अनुसार गोकर्णेश्वर नगरपालिका–२ नयाँपाटीमा रहेको सो धागो उद्योगमा शुक्रबार दिउँसो करिब साढे ४ बजेबाट आगलागी सुरु भएको हो ।
प्रहरीका अनुसार घटनास्थलमा अहिले ५० बढी नेपाल प्रहरी र नेपाली सेनाका २५ जनाको टोली खटिएको छ । स्थानीय र दमकलको सहयोगमा अहिले आगो नियन्त्रणको प्रयास भइरहेको छ ।
आगलागी भएको स्थानमा ५ वटा दमकलले आगो नियन्त्रणको प्रयास गरिरहेका छन् । आगलागीको कारणबारे केही खुलेको छैन ।
श्रावण २५, २०८१ ०६:२३ मा प्रकाशित
