काठमाडौँ । वर्तमान सत्ता समिकरण विघटनको र नयाँ समिकरणको खबरलाई शेयर बजारले हरियो झण्डा देखाएको छ ।
सत्ता समीकरण परिवर्तन गरेर कांग्रेस एमाले समिकरणको नयाँ सरकार गठन हुने भएसँगै सेयर बजारमा सकारात्मक लगातार दोस्रो पटक सर्किट ब्रेक लागेको छ ।
पहिलो सर्किटपछि कारोबार २० मिनेटका लागि बन्द भएको थियो । २० मिनेटपछि खुलेको बजार पुन: ५ प्रतिशतले बढेपछि दोस्रो सर्किट ब्रेक लागेको हो । अब ४० मिनेटका लागि कारोबार स्थगित भएको छ ।
कारोबार सुरु भएको १ मिनेटमै सेयर बजार परिसूचक नेप्से ४ प्रतिशतले बढेपछि पहिलो सर्किट ब्रेक लागेको थियाे। नेप्से परिसूचक अघिल्लो दिनको तुलनामा ८२ अंक (४ प्रतिशत) बढेका कारण अहिले २० मिनेटका लागि पहिलो सर्किट ब्रेक लागेर कारोबार रोकिएको थियाे।
असार १८, २०८१ ११:२२ मा प्रकाशित
