काठमाडौँ । नेकपा माओवादी केन्द्रका सांसद माधव सापकोटाले संसद्को सार्वजनिक लेखा समितिका सभापतिले गैरकानुनी काम गरेको बताएका छन् ।
आइतबारको प्रतिनिधिसभा बैठकमा बोल्दै उनले समितिमा विचाराधीन विद्युत बक्यौता सम्बन्धी मुद्दामा सभापतिले विवादास्पद पृष्ठभूमिका व्यापारीहरू भेट गरेको सापकोटाले आरोप लगाए ।
‘सार्वजनिक लेखा समितिको कार्यालय भिभान्त होटेल हो रु’ उनले भने, ‘ सांसदका लेखा समितिको सभापति ज्यूले झगडा र बक्यौता तिर्न बाँकी रहेका उद्योगीसँग रहस्यमय भेट्नुभयो। यसको उत्तर उहाँले मिडियामा नेपाली नागरिकले मलाई भेट्न चाह्यो मैले भेटेँ भन्नु भएको छ । यो कहीँ प्रश्नको उत्तर हुन्छ । भिभान्त होटेल भनेको कुनै सरकारी कार्यालय हो रु’
सापकोटाले लेखा समितिका लागि सिंहदरबारमा कार्यालय छुट्टाइएको पनि बताए । उनले सार्वजनिक लेखा समितिको सभापतिले यदि भिभान्त होटेललाई कार्यालय बनाएको हो भने जवाफ दिनुपर्ने पनि बताए । समितिको सभापति ऋषिकेश पोखरेल छन् । मोरङ क्षेत्र नम्बर २ बाट निर्वाचित उनी एमाले सांसद हुन् ।
