काठमाडौँ । माधब कुमार नेपाल नेतृत्वको एकीकृत समाजवादी पार्टी निकट प्रेस सङ्गठन समाजवादी प्रेस सङ्गठन नेपालले अध्यक्ष निष्काशित गरेको छ । सो सङ्गठनका संस्थापक अध्यक्ष विश्वमणि सुवेदीलाई साधारण सदस्यसमेत नरहनेगरी निष्कासन गरिएको संगठनका वरिष्ठ उपाध्यक्ष नवराज छत्कुलीले एक विज्ञप्तिमार्फत जानकारी दिए ।
सुवेदीमाथि पार्टीको गतिविधि विरुद्धमा लागेको, सङ्गठनको हित विपरित पत्रकार महासंघको निर्वाचनमा अन्य उम्मेदवारलाई सघाएको, संगठनको रकम हिनामिना गरेको र केन्द्रिय कार्यालय बन्द गरेर लामो समय सम्पर्कविहीन भएको आरोप लगाइएको छ ।
‘संगठनको प्रतिकुल गतिविधि गरिरहेको हुनाले विधानको ७।१ को ग बमोजिम साधारण सदस्यसमेत नरहनेगरी निष्काशन गरिएको जानकारी गराइन्छ,’ वरिष्ठ उपाध्यक्ष छत्कुलीले जारी गरेको विज्ञप्तिमा भनिएको छ ।
माघ ४, २०८१ ०२:१७ मा प्रकाशित
