१० असोज, काठमाडौं । साफ यू–१९ च्याम्पियनसिपको सेमिफाइनलमा नेपाल भारतसँग पराजित भएको छ । नेपाल भारतसँग टाइब्रेकरमा ३–२ गोल अन्तरले पराजित भएको हो ।
निर्धारिता समयमा १–१ को बराबरी भएको खेल टाइब्रेकरमा गएको थियो । तर नेपालका प्रशान्त लक्सम लिम्बु, लक्ष्मण थापा र विक्रम तामाङले पेनाल्टीमा गोल गर्न सकेनन् । श्विन घोरासिनी र कुशल देउवाले भने गोल गरेका थिए ।
खेलको २६ औँ मिनेटमा भारतका साहिल खुर्सिदले गोल गरेका थिए । पहिलो हाफमा गोल फर्काउन नसकेको नेपालले दोस्रो हाफको ७४ औँ मिनेटमा गोल फर्काउँदै खेल बराबरीमा लगेको थियो । नेपालका लागि समिर तामाङले गोल गरेका थिए । तर पेनाल्टीमा चुक्दा नेपालले खेल हारेको हो । नेपाल हारेसँगै भारत त पाकिस्तानले फाइनल खेल्ने भएका छन् ।
आश्विन १०, २०८० ११:५३ मा प्रकाशित
