काठमाडौं । राष्ट्रिय स्वतन्त्र पार्टीका सभापति रवि लामिछानेलाई पूर्वाग्रह राखेर पक्राउ गर्न खोजिएको विपक्षी दलका नेताहरुले बताएका छन् । आजको भएको विपक्षीदलहरुको वैठकमा सहकारीका बहाना बनाएर लामिछानेलाई पक्राउ गर्न खोजिएको विषयमा छलफल भएको बैठकमा सहभागी नेताहरुले बताएका छन् ।
रास्वपाका नेता विराजभक्त श्रेष्ठले अनुसन्धानमा सघाउन रास्वपा सभापतिले बारम्बार तयार छुभनिरहँदा सरकाले भने पूर्वाग्रही व्यवाहार देखाएको गुनासो गरे । उनले सरकारले लामिछाानेलाई पक्राउ गर्न कतिबेला ठिक हुन्छ भन्ने जोखाना हेरेर बसेको गुनासो गरे । ‘सरकारको यस्तो पूर्वाग्रही व्यवाहार स्वीकार्य हुँदैन्, हामी फेस गर्न तयार छौँ’, श्रेष्ठले भने ।
यस्तै नेकपा एकीकृत समाजवादीका उपाध्यक्ष राजेन्द्र पाण्डेले पनि सहकारी ठगीको निहुँ बनाएर लामिछानेलाई पक्राउ पुर्जी जारी गर्न लागिएकोबारे प्रतिपक्ष दलहरू गम्भीर रहेको बताए । पाण्डेले अहिले पक्राउ पुर्जी र पक्राउ हल्ला गराएर, गल्ती नगरिकनै पनि गल्ती गरेकै हो भन्ने भाष्य बनाउने खालका गतिविधि सरकारले गरेको बताए । उनले भने, ‘यसरी समस्या गरियो भने राम्रो हुँदैन ।
यस्तै माओवादी नेता शक्ति बस्नेतले पनि राजनीतिक पूवाग्रहका संकेत देखिने लागेको भन्दै यस विषयमा नेकपा माओवादी र अध्यक्ष पुष्पकमल दाहाल प्रचण्डले गम्भिरतापूर्वक उठाइरहेको बताए ।
