मुगु। मुगुको छायानाथ रारा नगरपालिका ६ मुन्दुमा ३ बालबालिका सहित एकै परिवारका चार जनाको हत्यामा संलग्न भएको आरोपमा प्रहरीले दुई जनालाई पक्राउ गरेको छ ।
प्रहरीले घटनाको दुई सातापछि घटनामा संलग्न भएको आरोपमा मुगुकै छायानाथ रारा नगरपालिका घर भई हाल बाँकेको कोहलपुर बस्ने ३० वर्षीय गोरखबहादुर शाहीसहित दुई जनालाई पक्राउ गरेको हो । गोरखबहादुर मृतकका आफन्त हुन् ।
कात्तिक ८ गते रारा नगरपालिका ६ मुन्दु गाउँमा एकै परिवारका चार जनाको हत्याभएको थियो । हत्या हुनेमा २८ वर्षीया श्रीदेवी बोहोरा, उनका छोराहरू ११ वर्षीय मनोज र ८ महिनाका रहर तथा ८ वर्षीया छोरी अप्सरा रहेका छन् ।
कार्तिक २४, २०८० ०२:११ मा प्रकाशित
