गृह मन्त्रालयले मृतक आरती शाहका आफन्तलाई वार्ताका लागि बोलाएको छ ।
गत जेठ ७ गते धनुषामा आफ्नै घरमा मृत भेटिएकी आरती शाहको न्यायका लागि प्रहरी गुहारेका उनका परिवारमाथि प्रहरीले दमन गरेको भन्दै उनीहरु विगत ५ महिनायता काठमाडौँको माइतिघरमा आन्दोलनरत छन् ।
आफूहरुका मुद्दा कमजोर बनाउन प्रहरीले भूमिका खेलेको भन्दै असार १ गतेदेखि आरतीका बाबु, आमा र बहिनी माइतीघर मण्डलमा धर्नामा बसेका छन्। उनीहरुले आफूहरुन्याय माग्न जाँदा धनुषा प्रहरी प्रमुख विश्वराज खड्काद्वारा कुटपिट गरिएको बताउँदै आएका थिए । उनै एसपी विश्वराज खड्कालाई प्रहरी प्रधान कार्यालय नक्साल तानेर मन्त्रालयले वार्ताका लागि आरतीका आफन्तलाई बोलाएको छ ।
आरतीका बाबु विनोदप्रसाद साहलाई सम्बोधन गर्दै वार्ताका लागि प्रतिनिधि पठाउन गृहले पत्राचार गरेको छ ।
माइती पक्षले आरतीको हत्या गरिएको भन्दै छानबिनका माग गर्दै आएका छन्।
