काठमाडौँ । सौर्य एयरलाइन्सको विमान दुर्घटनामा परेका ४ जना मृतकका परिवारले शव बुझेका छन् । दुर्घटनामा ज्यान गुमाएका कोपाइट सुशान्त कटवाल, आश्विन निरौला, उद्धव पुरी र श्याम दुन्दुकारका परिवारले शव बुझेका हुन् ।
साउन ९ गते बुधबार सौर्य एयरलाइन्सको विमान त्रिभुवन अन्तर्राष्ट्रिय विमानस्थलमा दुर्घटना हुँदा विमानमा सवार चालकदलका सदस्यसहित १९ मध्ये १८ जनाको मृत्युभएको थियो ।
सो दुर्घटनामा क्याप्टेन मनिषरत्न शाक्य बाँच्न सफल भएका छन् । दुर्घटनाका घाइते क्याप्टेन शाक्यलाई तत्काल उद्धार गरी सिनामङ्गलस्थित काठमाडौँ मेडिकल कलेजमा ल्याई सघन उपचार कक्षमा उपचार गरिएको थियो । अहिले क्याप्टेन शाक्यको स्वास्थ्य अवस्था सामान्य रहेको अस्पतालले जनाएको छ ।
श्रावण ११, २०८१ ०५:२६ मा प्रकाशित
