काठमाडाैँ । आइतबार पनि नेप्सेले आफ्नो ओरालो यात्रालाई कायम नै राखेको छ । अघिल्ला दुई कारोबार घटेको नेप्से आइतबार पनि २५.६३ अंकले घटेको हो ।
बिहिबार ७.२४ अकंले घटेर बन्द भएको सेयर बजार आइतबार पनि घटेर २१३०.१८ को विन्दुमा पुगेको हो । त्यस्तै साताको पहिलो दिन कारोबार रकममा पनि गिरावट आएको छ । बिहिबारको बजारमा ८ अर्ब १७ करोडको कारोबार भएकामा आइतबार भने घटेर ७ अर्ब ६७ करोडमा झरेको छ । बैँक तथा वित्तिय संस्थाको खराब रिपोर्टसँगै बजारले आफ्नो ओरालो यात्रा सुरु गरेको हो ।
आइतवार सर्वाधिक कारोबार हुने कम्पनीको सुचिको पहिलो नम्बरमा हिमालयन रि–इन्स्युरेन्स कम्पनी रहेको छ भने आँखु खोला जलविद्युत कम्पनी लि. सर्वाधिक कमाउने कम्पनीको पहिलो नम्बरमा रहेको छ ।
त्यस्तै आइतबार हाइड्रो र अन्य उपसुचक बढ्दा सर्वाधिक गुमाउनेमा डेभलप्मेन्ट बैँक उपसुचक रहेको छ ।
माघ ७, २०८० ०४:०६ मा प्रकाशित
