काठमाडाैँ : इजरायललाई हौसला दिन अमेरिकी राष्ट्रपति जो बाइडेन इजरायल पुगेका छन्।
११ दिनदेखि हमासविरूद्ध युद्ध लडिरहेको इजरायलको समर्थन गर्न पुगेका बाइडेनलाई इजरायलका प्रधानमन्त्री बेन्यामिन नेतन्याहुले स्वागत गरेका छन्।
युद्धग्रस्त इजरायललाई समर्थन र हौसला साथै इजरायल–हमासबिचको द्वन्द्मा अरू मुलुक संलग्न हुने अवस्था आउन नदिन बाइडेन बुधबार इजरायलस्थित तेल अभिभ पुगेका हुन्। उनले इजरायलका प्रधानमन्त्री बन्यामिन नेतन्याहुसँग लडाइँबारे छलफल गर्नेछन् ।
गाजाको एक अस्पतालमा भएको आक्रमणमा ५०० जनाको ज्यान गएको दाबी भइरहेका बेला उनी इजरायल भ्रमणमा निस्किएका हुन्। मंगलबार राति गाजाको एक स्थानीय अस्पतालमा आक्रमण हुँदा ५ सय बढी प्लालेस्टाइनी नागरिकको मृत्यु भएको हो ।
कार्तिक १, २०८० ०७:१२ मा प्रकाशित
