ट्रकको ठक्करबाट स्कुटरमा सवार महिलाको मृत्यु भएपछि स्थानीयले नागढुंगा सडक अवरूद्ध गरेका छन् ।
शुक्रबार दिउँसो चन्द्रागिरी नगरपालिका–३ थानकोटमा कलंकीबाट नागढुंगातर्फ जाँदै गरेको बा ८८ प ७९५५ नम्बरको स्कुटरलाई सोहि दिशातर्फ जाँदै गरेको प्र ३–०१–००६ ख १३०८ नम्बरको ट्रकले ठक्कर दिएको थियो।
दुर्घटनामा परि स्कुटरमा सवार चन्द्रागिरी–२ नागढुंगा बस्ने ४० वर्षीय श्रीधर भूर्तेल र उनकी श्रीमती अस्मिता भण्डारी गम्भीर घाइते भएका थिए।
उनीहरुलाई उपचारका लागि मेडिसिटी अस्पताल लगिएको र अस्मिताको गएराति उपचारकै क्रममा मृत्यु भएपछि स्थानीयले सडक अवरुद्ध गरेका हुन् ।
खरिबोट, थानकोट र नागढुंगा चेकपोइन्टमा स्थानीयले सडक अवरुद्ध गरेका हुन् ।
ट्रक र चालक दुवैलाई प्रहरी वृत्त थानकोटले नियन्त्रणमा लिएर अनुसन्धान गरिरहेको जनाएको छ ।
मंसिर २३, २०८० ०५:०८ मा प्रकाशित
