काठमाडाैँ । नवनियुक्त गृहमन्त्री रमेश लेखकले आफूले गृहमन्त्रालयबाट हुने कार्यसम्पादन निष्ठापूर्वक हुने प्रतिबद्धता हुने जनाएका छन् । सोमबार पदभारपछि सञ्चारकर्मीसँग कुराकानी गर्दै उनले पदीय मर्यादा विपरित कुनै पनि कार्य नगर्ने बताएका हुन् ।
‘म रहुन्जेल गृहमन्त्रालयको काम देशमा विधिको शासन, शान्ति व्यवस्था, अपराध नियन्त्रण गर्नेजस्ता कार्यहरुमा केन्द्रित रहनेछ । त्यसका लागि म सचिवजी लगायत सम्पूर्ण कर्मचारीबाट पर्याप्त सहयोगको अपेक्षा गरेको छु ।’, उनले भने, ‘म इमानदारीपूर्वक यो मन्त्रालयले सम्पादन गर्नुपर्ने कार्य निष्ठापूर्वक गर्नेछु भन्ने प्रतिबद्धता व्यक्त गर्न चाहान्छु ।’
त्यस्तै उनले प्राकृतिक विपत्तिबाट देश नै आक्रान्त बनिरहेको र त्यसको न्युनिकरणका लागि काम गर्ने बताएका छन् ।
असार ३१, २०८१ ०३:२९ मा प्रकाशित
