काठमाडौँ । सोलुखुम्बुको थामे क्षेत्रमा गएको बाढीमा हराएका भनिएका व्यक्ति सकुशल फेला परेका छन् । खुम्बु पासाङल्हामु गाउँपालिकाका प्रमुख प्रशासकीय अधिकृत जगत प्रसाद भुसालले पहिरोमा परी बेपत्ता भनिएका व्यक्ति स्थानीयको सम्पर्कमा आएको र उनी सकुशल रहेको सिधाकुरालाई बताए ।
‘हिजो सम्पर्क बाहिर रहेका होटलमा काम गर्ने एक व्यक्ति स्थानीयको सम्पर्कमा आएका छन्,’ घटनास्थलमा रहेका स्थानीय थामे आधारभुत विद्यालयका प्रधानाध्यापक होमप्रसाद भट्टराईलाई उदृत गर्दै भुसालले भने ।
बेपत्ता भनिएका व्यक्ति साँझ सम्पर्कमा आएपछि बाढीका कारण कुनै मानवीय क्षति नभएको हालसम्मको विवरण रहेको भुसालको भनाई छ । शुक्रबार सोलुखुम्बुको खुम्बु क्षेत्रमा आएको बाढीले बगाएर एक जना बेपत्ता भएको र एक दर्जनभन्दा बढी घर बगेका थिए।
भाद्र १, २०८१ ०७:२१ मा प्रकाशित
