काठमाडाैँ । सर्वोच्च अदालतले जसपा नेपालका अध्यक्ष उपेन्द्र यादवले दायर गरेको रिटमा अल्पकालीन अन्तरिम आदेश जारी गरेको छ ।
न्यायाधीश विनोद शर्माको इजलासले निर्वाचन आयोगको निर्णय यथास्थितिमा राख्न आदेश दिएको हो । त्यस्तै सर्वोच्चले आगामी जेठ ८ गते छलफलका लागि दुवै पक्षलाई बोलाएको छ ।
अशोक राईले ७ जना सांसदसहित पार्टी विभाजनका लागि गत बैशाख २३ गते निर्वाचन आयोगमा निवेदन दिएका थिए। आयोगले २४ वैशाखमा उक्त दल दर्ता गरेको थियो ।
सोही निर्णयविरुद्ध सर्वोच्च पुगेका उपेन्द्रको रिटउपर अदालतले आयोगको निर्णय यथास्थितिमा राख्न आदेश दिएको हो ।
जेष्ठ २, २०८१ ०६:५४ मा प्रकाशित
