काठमाडौँ । भक्तपुरको गठ्ठाघरमा ट्रकले स्कुटरलाई ठक्कर दिएपछि अवस्था तनावग्रस्त बनेको छ । दुर्घटनापछि आक्रोसित भिडले प्रहरीमाथि ढुंगामुडा गरेको हो । ट्राफिक प्रहरीको चेकिङका कारण दुर्घटतना भएको भन्दै सुरक्षाकर्मीमाथि ढुंगामुडा भएको हो । भक्तपुरमा ट्रकले स्कुटरलाई ठक्कर दिदा १ जनाको मृत्यु भएको थियो । गठ्ठाघरमा भएको दुर्घटनामा ना ६ ख २१७३ नम्बरको ट्रकले बा ४९ प ८९४४ नम्बरको प्लेजर स्कुटरलाई ठक्कर दिएको हो ।
ट्रकले स्कुटर चालकलाई ठक्कर दिएर करिब २० मिटर धसार्दै लगेको थियो । मृतकको शव क्षतविक्षत अवस्थामा रहेको घटनास्थलमा रहेका एक प्रहरीले जानकारी दिए । दुर्घटनापछि स्थानीयले सडक अवरुद्ध गरेका छन् । उनीहरुले ट्रक तोडफोड समेत गरेका छन् । उनीहरुले ट्रकमाथि आगजनीको समेत गरेका थिए । प्रहरीले केही समयमै आगो नियन्त्रणमा लिएको थियो ।
श्रावण ३१, २०८१ ०४:०१ मा प्रकाशित
