काठमाडाैँ । साउन लागेसँगै काठमाडौँको इन्द्रचोकको पोते बजारमा चहलपहल बढ्न थालेको छ । साउनमा महिलाहरु हरिया–पहेँला चुरा–पोतेको किनमेल गर्न इन्द्रचोकको पोते बजारमा आउन थालेका छन् ।
हिन्दु देवता शिवलाई अर्पण गरिने साउन महिनाभरि महिलाहरु हरियो, रातो र पहेँलो पोते लगाउने गर्छन् । पछिल्लो समय अन्य धर्म मान्नेहरूले पनि साउनमा चुरापोते र मेहेन्दी लगाउने गरेको पाइन्छ । हिन्दु धर्ममा सौभाग्यका रुपमा चिनिने पोते इरानी गहना हो । पोतेको व्यापार वर्षैभरि हुने भएपनि, तिज, साउन तथा विवाहको लगन भएका महिनामा असन र इन्द्रचोकमा भीड लाग्ने लाग्ने गर्छ ।
श्रावण १, २०८१ १०:५६ मा प्रकाशित
