काठमाडौँ । इरानद्वारा इजरायल विरुद्ध युद्ध घोषणा गरेको छ । आइतबार बिहान करिब १ बजेको समयमा इरानका सयौँ घातक ड्रोन र मिसाइले इजरायलमाथि आक्रमण सुरु गरेको अन्तराष्ट्रिय समाचार एजेन्सी रोयटर्सले जनाएको छ ।
हालसम्म इरानी आक्रमणमा परी एक बालिका घाइते भएको बताइएको छ । गत १ अप्रिलका दिन सिरियको दमास्कसमा रहेको इरानी वाणिज्य दूतावासमा इजरायलले आक्रमण गरेको थियो । इजरायल प्यालेस्टाइन युद्धसँगै तिक्त सम्बन्ध रहेको इरान र इजरायल सम्बन्ध दमास्कस आक्रमण पछि झनै बिग्रिएको थियो । साे घटनामा उच्च सैनिक अधिकारीसहित ७ जना मारिएका थिए ।
आइतबार रातिको आक्रमण लगत्तै आफूहरूले प्रतिरक्षा प्रणाली प्रतिकारका लागि तयार रहेको प्रतिक्रिया इजरायलले दिएको छ ।
इजरायलमाथि इरानले आक्रमण सुरु गरेको नेपालस्थित इजरायली दूतावासले पुष्टी गरेको छ । सिधाकुरासँग कुरा गर्दै नेपालका लागि इजरायलका राजदूत हनान् गोदरले आक्रमण भएको बताए । इजरायलले आक्रमण विरुद्ध कडा प्रतिकार गरिरहेको पनि बताए ।
वैशाख २, २०८१ ०८:०६ मा प्रकाशित
