काठमाडौं । राष्ट्रिय स्वतन्त्र पार्टी (रास्वपा)ले श्रमजीवी पत्रकारले पारिश्रमिक नपाएको विषय संसद्मा उठाएकाे छ । आइतबारको प्रतिनिधिसभाको शून्य समयमा बोल्दै रास्वपाका सांसद विराजभक्त श्रेष्ठले राज्यको चौथो अंग समस्यामा रहँदा सरकार किन मौन छ भन्दै प्रश्न गरेका थिए ।
उनले भने “श्रमजीवी पत्रकारले पारिश्रमिक नपाएको विषय मिडिया हाउस हुँदै सडकमा पुगेको छ । प्रजातन्त्र पुर्नवहाली र सुशासन तथा आमनागरिकलाई सुसूचित गर्ने श्रमजीवी पत्रकार आज विषम परिस्थितिबाट गुज्रेका छन,” ।
सांसद श्रेष्ठले श्रमजीवी पत्रकारको समस्या हल नगर्ने भए लोकतन्त्र फस्टाउन नसक्ने उल्लेख गर्दै सांसद विराजले प्रश्न गरे “राज्यको चौथो अंगको रूपमा रहेकाले समयमै पारिश्रमिक पाउनुपर्ने हो कि हैन ?”।
फाल्गुन १३, २०८० ११:५२ मा प्रकाशित
