काठमाडाैँ । मंगलबार सेयर बजारमा उछाल आएको छ । नेप्से परिसूचक ५४.५४ अंकले बृद्धि हुँदा कुल कारोबार रकम बढेर ८ अर्ब २ करोड पुगेको छ ।
नेपाल स्टक एक्सचेन्जकाअनुसार मंगलबारको बढोत्तरी पछि बजार परिसूचक २१ सय ७५.१७ अंकमा उक्लिएको छ ।
आज कारोबारमा आएका ३०४ कम्पनी मध्ये २१४ कम्पनीको सेयर मूल्य बढेको छ । जम्मा ३१ कम्पनीको सेयर मूल्य घट्दा २ कम्पनीको सेयर मूल्यमा भने कुनै परिवर्तन आएन । आज एक लाख ३३ हजार ६१ कारोबारबाट २३ करोड ३७ लाख ५३ कित्ता सेयर खरिद बिक्री भएको नेप्सेले जनाएको छ । आज बुटवल पावरसहितका ५ कम्पनीको सेयर मूल्यमा सकारात्मक सर्किट लाग्यो । १५ वटा कम्पनीको सेयर मूल्य सकारात्मक सर्किट लेबलमा बढेर कारोबार भयो । जलविद्युत, लगानी र फाइन्यान्स उपसमूहमा मंगलर उच्च बृद्धि भएको थियो । मंगलबार एकै दिन सोनापुर मिनरल्सको सेयर २८ करोड रुपैयाँ बराबरको कारोबार भयो । बजारमा दोस्रो ठूलो कारोबार नेपाल पूर्वाधार विकास बैंक निफ्राको भएको थियो ।
