काठमाडाैँ । नेपाली सेनाले विभिन्न कार्यक्रम गरेर सेना दिवस मनाएको छ ।
सैनिक मञ्च टुँडिखेलमा आयोजित कार्यक्रममा नेपाली सेनाले शान्ति मिसनमा प्रयोग गर्दै आएका विभिन्न सवारीसाधन, उपकरण र हातहतियार प्रदर्शन गर्नुका साथै सैनिक कौशल समेत देखाएको छ । त्यस्तै सेनाको टोलीबाट नेपालको झण्डा, देशको नक्सा, डमरु आकृतिलगायतको प्रस्तुति समेत भएको थियो ।
कार्यक्रममा राष्ट्रपति रामचन्द्र पौडेल, उपराष्ट्रपति रामसहाय यादव, प्रधानमन्त्री पुष्पकमल दाहाल प्रचण्ड लगाएत उच्च पदस्थहरुको सहभागीता रहेको थियो । सो अवसरमा राष्ट्रपति पौडेलले सैनिक स्मारकमा पुष्पहार अर्पण गरी श्रद्धाञ्जली व्यक्त गर्नुका साथै नेपाली सेनाद्वारा अर्पण गरिएको सलामी ग्रहण गरेका छन् ।
फाल्गुन २५, २०८० ०२:५१ मा प्रकाशित
