मैत्रीपूर्ण टी–२० क्रिकेटमा हङकङसँग नेपाल पराजित भएको छ । नेपाल ७३ रनले पराजित भएको हो ।
टस हारेर पहिले ब्याटिङको निम्तो पाएको हङकङले नेपाललाई २१३ रनको लक्ष्य दिएको थियो । हङकङले निर्धारित २० ओभरमा ६ विकेटको क्षतिमा २१२ रन जोडेको हो ।
२१३ रनको विशाल लक्ष्य पच्छ्याएको नेपाल १६ दशमलव ४ ओभरमा १३९ रन बनाउँदै अलआउट भएको हो ।
नेपाली राष्ट्रिय पुरुष क्रिकेट टोली त्रिकोणात्मक शृङ्खला खेल्नका लागि बिहीबार हङकङ गएको थियो । नेपाल, हङकङ र पपुवा न्युगिनीबीच यही फागुन २७ गतेदेखि त्रिकोणात्मक टी–२० आई शृङ्खला सुरु हुँदैछ । त्यसअघि नेपालले आज हङकङसित एउटा मैत्रीपूर्ण खेल खेलेको हो ।
त्रिकोणात्मक शृङ्खलामा नेपालले पहिलो खेल फागुन २७ गते हङकङसँग खेल्ने छ । यस्तै नेपालले फागुन २९ गते पवुवा न्युगिनीसँग अर्को खेल खेल्नेछ । फागुन ३० गते त्रिकोणात्मक शृङ्खलाको फाइनल खेल हुने छ ।
