३१ भदौ, काठमाडौं । काठमाडौंको तीनकुनेमा भएको ४ जनाको हत्यामा संलग्न रहेको आशंकामा प्रहरीले थप एक जनलाई पक्राउ गरेको छ । प्रहरी स्रोतका अनुसार ति व्यक्ति घटनास्थलको सीसीटीभी फुटेजमा देखिएका छन् । सोही आधारमा उनलाई पक्राउ गरिएको हो ।
शुक्रबार मध्यरातमा सःमिलका सुरक्षागार्ड दोलखाका ५५ वर्षीय कुमार भुजेलसहित उनकी श्रीमती ५२ वर्षीय अम्बिका भुजेल, आमा ७६ वर्षीया शुभद्रा भुजेल र मोरङ बेलबारीका २० वर्षीय नवीन राईको हत्या भएको थियो।
नवीनलाई भाइ बताउने २८ वर्षीय दिपेन्द्र राईलाई सोधपुछका लागि प्रहरीले नियन्त्रणमा लिएको छ। प्रहरीका अनुसार उनी आफै ट्याक्सी चढेर तीनकुनेस्थित प्रहरी कार्यालय पुगेका थिए।
खबरपश्चात तत्काल सःमिल पुगेको प्रहरीले चार जनाको विभत्स हत्या भएको अवस्थामा शव फेला पारेको थियो।
भाद्र ३१, २०८० ०६:३८ मा प्रकाशित
