ललितपुर । ललितपुरको बंगलामुखी मन्दिर नजिकैको एक घरमा आगलागी भएको छ । आज जात्रा भएका कारण उक्त घरतलामा विभिन्न परिकार पकाउने काम भइरहेको र सोही क्रममा ग्यास लिक भएर आगलागी भएको हुन सक्ने ललितपुर नगर प्रहरीले जनाएको छ ।
आगलागी नियन्त्रणका लागि २ दर्जन बढी नगर प्रहरी, ३ वटा दमकल र पानीको ट्यांकर घटनास्थलमा रहेको नगर प्रहरी प्रमुख सिताराम हाछेथुले बताए ।
स्थानीय अमिरमान बज्राचार्यको तीन तले घरमा आगलागी भएको र घर पूर्णरुपमा जलेको हाछेथूले बताए । आगाे नियन्त्रणको प्रयास जारी रहेको उनको भनाई छ ।
भाद्र ३, २०८१ ०९:५१ मा प्रकाशित
