बिग्रिँदो मौसमका कारण तराइका बुधबार भैरहवा र जनकपुर विमानस्थलका सबै उडान रद्द भएका छन् । बाक्लो हुस्सु र कुहिरोका कारण दुई विमानस्थलबाट हुने सबै आन्तरिक हवाई उडान रद्द भएका हुन् ।
प्रतिकुल मौसमका कारण त्रिभुवन अन्तर्राष्ट्रिय विमानस्थलबाट भैरहवा विमानस्थलमा बुधबार हुने सबै ४ उडान रद्द भएका छन् भने जनकपुरमा हुने एक उडान रद्ध भएको छ ।
बुधबार भैरहवाका लागि बुद्ध एअरका ३ उडान तालिका थिए भने जनकपुरका लागि एक उडान रहेको थियो । त्यस्तै भैरहवाका लागि यति एअरलाइन्सले समेत एक उडान भर्ने तालिका थियो । तर ती सबै उडान मौसम प्रतिकुलताका कारण रद्ध भएका हुन् ।
हवाई उडान रद्द भएपछि अधिकांश यात्रुहरुलाई जानकारी गराइएको र केही यात्रु विमानस्थल पुगेर फर्किएका बुद्ध एअरका सूचना अधिकारी दिपेन्द्र कर्णले जानकारी दिए । उनीहरुलाई मौसल सुधार हुनासाथ सम्पर्क गरेर पुन उडान भर्ने उनले बताएका छन् । 
