बारा । बाराकाे निजगढस्थित सहिदचोकमा रहेको रोहित वर्कसपमा आगलागी हुँदा ४ जना घाइते भएका छन् । सोमबार दिउँसो कामदारहरुले काम गरिरहेकै बेला अचानक ग्याँस सिलिन्डर विस्फोट भएर आगलागी हुँदा चार जना घाइते भएका हुन्।
घाइतेमध्ये दुईजनाको अवस्था गम्भीर रहेको इलाका प्रहरी कार्यालय निजगढले जनाएको छ। एक जनाको अवस्था मध्यम र एकको अवस्था सामान्य रहेको छ। घाइते चारैजनाको निजगढ नगरपालिका– ९ स्थित निजगढ सामुदायिक अस्पतालमा उपचार भइरहेको प्रहरीले जनाएको छ।
घाइतेहरूको पहिचान हुन बाँकी रहेको र घटनाबारे थप अनुसन्धान भइरहेको प्रहरीले जनाएको छ ।
फाल्गुन १४, २०८० ०२:५१ मा प्रकाशित
