काठमाडौँ । गुडिरहेको लाइटर बोकेको ट्रकमा लागेको आगो चिसापानीस्थित कर्णाली पुलमा सल्किएपछि पुलमा क्षती पुगेपछी आवतजावत रोकिएको छ ।
वीरगञ्जबाट धनगढीतर्फ जाँदै गरेको ना ५ ख ५२९७ नम्बरको ट्रकमा आगो लागेको थियो ।
जिल्ला प्रहरी कार्यालय बर्दीयाका एसपी प्रवीण धितालका अनुसार पुलका १० वटा लठ्ठाको कभर र तार जलेका छन् । सोमबार दिउसो साढे चार बजेतिर सल्किएको आगो राति साढे ९ बजेतिर मात्रै नियन्त्रणमा आएको थियो ।
पुल अवरुद्ध भएपछि पूर्ववश्चिम राजमार्गमा चल्ने सवारीसाधनका लागि वैकल्पिक सडकको व्यवस्था गरिएको छ । जिल्ला प्रसासन कार्यालय बर्दीयाका अनुसार कैलालीको लम्कीदेखि टीकापुर, बर्दियाको राजापुर, भुरीगाउँ राजापुरस्थित सत्ती पुल, कोठियाघाट गेरूवापुल, गुलरिया हुँदै नेपालगन्ज निस्कीने व्यवस्था गरिएको छ ।
फाल्गुन २९, २०८० ०८:४५ मा प्रकाशित
