१६ जनाको मेडिकल टिमसहित प्रधानमन्त्री प्रचण्ड भूकम्प प्रभावित क्षेत्र जाजरकोट प्रस्थान गरेका छन् ।
उनी पूर्वगृहमन्त्रीद्वय जनार्दन शर्मा र शक्तिबहादुर बस्नेतसहित शनिबार बिहान नेपाली सेनाको नेपाली सेनाको १६ जनाको मेडिकल टिमसहित जाजरकोट प्रस्थान गरेका हुन् ।
भूकम्पले जाजरकोटका भेरी, नलगाड, कुशे, बारेकोट र छेडागाडमा ठूलो क्षती पुर्याएको छ ।
शुक्रबार राति ११ बजेर ४७ मिनेट जाँदा जाजरकोटलाई केन्द्रविन्दु बनाएर छ दशमलव चार म्याग्निच्युडको भूकम्प गएको हो ।
भुकम्पमा परी हालसम्म जाजरकोट र रुकुममा गरी ८० जनाको मृत्यु साथै १ सय ५० बढी घाइते भएका छन् ।
कार्तिक १८, २०८० १२:१० मा प्रकाशित
