चीनको उत्तर पश्चिम गान्सु प्रान्तमा गएको भूकम्पमा परि मृत्यु हुनेको सङ्ख्या ११६ पुगेको छ ।
चीनको गान्सु प्रान्तमा सोमबार गएको ६.२ म्याग्निच्युडको भूकम्पमा परी ११६ जनाको मृत्यु भएको बीबीसीले जनाएको छ। त्यस्तै उक्त भूकम्पमा परि २२० जना घाइते भएका छन् ।
त्यस्तै भूकम्पपश्चात छिमेकी प्रान्त सिनजियाङमा पनि ५.५ म्याग्निच्युडको भूकम्प गएको बीबीसीले जनाएको छ। जसका कारण गान्सुसँगै छिमेकी प्रान्तका भवनहरूमा पनि क्षति पुगेको छ ।
प्रभावित क्षेत्रमा बिहानैदेखि उद्धार कार्य सुरु भएको छ । आपतकालिन कामदारहरूले उच्च उचाइ क्षेत्रमा रहेका मानिसको उद्धारको क्रममा चिसोले समस्या भएको बताएका छन् ।
चिनियाँ राष्ट्रपति सी चिनफिङले चीनको सबैभन्दा गरिब क्षेत्र मध्ये एक गान्सुमा पूर्ण उद्धार प्रयास गर्न निर्देशन दिएका छन्।
पुस ३, २०८० ०४:४२ मा प्रकाशित
