काठमाडौं । बुधबार पक्राउ गरेका सुनिल पौडेल र विकल पौडेललाई ७ दिन थुनामा राखेर अनुसन्धान अघि बढाउन अख्तियारले अनुमति पाएको छ । बिहीबार विशेष अदालतले अख्तियार दुरुपयोग अनुसन्धान आयोगलाई अनुसन्धानका लागि पौडेल द्वयलाई ७ दिन थुनामा राख्न अनुमति दिएको हो ।
विशेष अदालतका अध्यक्ष टेकनारायण कुँवर, सदस्यहरु तेजनारायण सिंह राई र मुरारीबाबु श्रेष्ठको इजलासले उनीहरुलाई थुनामा राख्न अनुमती दिएको विशेष अदालतका प्रवक्ता धनबहादुर कार्कीले बताए । अकुत सम्पत्ति आर्जनको आरोपमा अख्तियारको अनुसन्धानमा रहेका उनीहरुले बयानका लागि इन्कार गरेपछि बुधबार पक्राउ परेका थिए ।
माघ ११, २०८० ०७:०९ मा प्रकाशित
