काभ्रे । काभ्रेको साँगामा दुर्घटना भएको छ । बुधबार अपरान्ह साँगाबाट बनेपातर्फ गइरहेका सवारी ठोक्किँदा २ जना घाइते भएका छन् ।
साँगा प्रहरीका अनुसार साँगाको पुतलि घर रिसोर्टको साइटमा दुर्घटना भएको हो । तिव्र गतिमा गइरहेको ट्रकले कारलाई ठक्कर दिँदा सोही गतिमा गइरहेका सवारी एकआपसमा ठाक्किएका हुन् । दुर्घटनामा परि मोटरसाइकल र स्कुटर चालक घाइते भएको प्रहरी नायब निरिक्षक मनकुमार सापकोटाले सिधाकुरासँग बताए । घाइतेको उद्धार गरि उपचारका लागि अस्पताल पठाइएको उनले बताए ।
‘बनेपातर्फ गइरहेका एक मोटरसाइकल, एक स्कुटर, २ कार, १ बोलेरो गाडी र एक मालवाहक ट्रक दुर्घटना भएका हुन्’, उनले थपे, ‘पछाडिबाट गइरहेको मालवाहक ट्रकले ठक्कर दिँदा सो दुर्घटना भएको हो ।’
पछाडिबाट गइरहेका सवारीले ठक्कर दिँदा मोटरसाइकल र स्कुटर रोकेर राखेको ट्याङ्करमा ठोक्किएका थिए ।
जेष्ठ १६, २०८१ ०५:०९ मा प्रकाशित
