काठमाडौं । नेपालमा दुग्ध व्यवसायको सबै भन्दा ठूलो कारोबार गर्ने सरकारी स्वमित्वको दुग्ध विकास संस्थान (डीडीसी) ले एउटा गैह्र जिम्मेवार सूचना प्रकाशित गरेको छ । दैनिक हजाराैँ प्याकेट दुग्ध पदार्थ बिक्री गर्ने संस्थानले लेबल उल्लेख नगरी दुध बजारमा बिक्री हुन सक्ने सूचना प्रकाशित गरेको हो ।
संस्थानबाट उत्पादित दुधको प्याकेटमा लेबल उल्लेख गर्ने मेसिन बिग्रिएका कारण दुधको उत्पादन मिति, उपभोग अवधि, दुधको बनावट लगायतका महत्वपूर्ण सूचना प्याकेटमा उल्लेख गर्न नसकिएको संस्थानले जनाएको छ ।
पुस १७ गते देखि उत्पादित हुने र १८ गतेदेखि बजारमा बजारीकरण हुने दुधका प्याकेटमा लेबल उल्लेख हुन नसकेको संस्थानको सूचनामा उल्लेख छ। उपभोक्ता संरक्षण ऐन र खाद्य ऐनले उपभोग्य मिति उल्लेख नगरी वस्तुको बिक्री वितरण गर्नुलाई दण्डनीय मानेको छ ।
पुस २७, २०८० ०९:३६ मा प्रकाशित
