काठमाडाैँ । ४ दिने औपचारिक भ्रमणमा रहेका प्रधानमन्त्री केपी शर्मा ओलीले चिनियाँ जनक्रान्तिका सहिदका स्मारकमा पुष्पहार अर्पण गरी श्रद्धाञ्जली प्रकट गरेका छन् । उनले मंगलबार बेइजिङको तियानमेनस्क्वायरस्थित चिनियाँ जनक्रान्तिका सहिदहरुको स्मारकमा पुष्पहार अर्पण गरेका हुन् ।
यसअघि उनले चिनियाँ समकक्षी लीसँग भेटवार्ता गरी द्विपक्षीय आपसीहितका विविध विषयमा विचार आदानप्रदान गर्नुका साथै ८ बुँदे सहमतिमा हस्ताक्षर गरेका थिए । प्रधानमन्त्री ओलीले आजै चीनका राष्ट्रपति सी जिनपिङसँग भेटवार्ता गर्ने कार्यक्रम रहेको परराष्ट्र मन्त्रालयले जनाएको छ ।
चीनका प्रधानमन्त्री ली छ्याङको मैत्रीपूर्ण निमन्त्रणामा सोमबार बेइजिङ पुगेका प्रधानमन्त्री ओली र उनी नेतृत्वको प्रतिनिधिमण्डल यही मङ्सिर २० गते स्वदेश फर्कने तालिका छ ।
प्रधानमन्त्री केपी शर्मा ओलीलाई ग्रेट हल अफ पिपलमा चिनियाँ समकक्षी ली छ्याङ स्वागत गर्दै
नेपाल र चीनबीच आठ सहमतिपत्रमा हस्ताक्षर कार्यक्रममा प्रधानमन्त्री ओली र समकक्षी ली छ्याङ
बेइजिङको तियानमेनस्क्वायरस्थित चिनियाँ जनक्रान्तिका शहिदहरुको स्मारकमा पुष्पहार अर्पण गरी श्रद्धाञ्जली कार्यक्रममा सरिक हुँदै प्रधानमन्त्री ओली
प्रधानमन्त्री केपी शर्मा ओलीको सम्मानमा मङ्गलबार ग्रेट हल अफ पिपलमा चिनियाँ जनमुक्ति सेनाले ‘गार्ड अफ अनर’ प्रस्तुत गर्ने क्रममा
प्रधानमन्त्री ओलीको सम्मानमा चिनियाँ जनमुक्ति सेनाले प्रस्तुत गरेको ‘गार्ड अफ अनर’ मा सहभागी
मंसिर १८, २०८१ ०१:२० मा प्रकाशित
