रौतहट । रौतहटमा सादा पोशाकको प्रहरी हुँ भन्दै रकम असुल्ने एक जनालाइ प्रहरीले पक्राउ गरेको हो । पक्राउ पर्नेमा रौतहटको माधव नारायण नगरपालिका वडा नम्बर १ का २४ वर्षीय रमेश साह रहेका छन् ।
आफूलाई सादा पोशाकमा ड्युटीमा खटाएको भन्दै तलासी गर्ने कार्य गर्दै आएको सुचनाको आधारमा उनलाई पक्राउ गरिएको हो । ईलाका प्रहरी कार्यालय चन्द्रनिगाहपुरबाट खटीएको टोलीले चन्द्रपुर नगरपालिका वडा नम्बर ९ डुमरिया चोकबाट साहलाई पक्राउ गरेको इलाका प्रहरी कार्यालयका प्रमुख प्रहरी नायब उपरीक्षक राजकुमार राईले जानकारी दिए ।
साहले बोकेको झोलाबाट सशस्त्र प्रहरीको तयारी अवस्थाको पोशाक समेत बरामद भएको छ । पक्राउ परेका साह माथि अभद्र व्यवहार सम्बन्धी मुद्दा दर्ता गरी कानुनी प्रक्रिया अगाडि बढाइएको प्रहरीले जनाएको छ ।
श्रावण २४, २०८१ ०५:०१ मा प्रकाशित
