काठमाडाैँ । हङकङमा हुने त्रिकोणात्मक टी–२० अन्तर्राष्ट्रिय शृंखलाको आजको खेलमा नेपालले पहिले फिल्डिङ गर्ने भएको छ । नेपालले हङकङविरुद्धको खेलमा टस जितेर पहिले फिल्डिङ गर्ने निर्णय लिएको हो ।
यसअघि शनिबार खेलिएको मैत्रीपूर्ण खेलमा नेपाली टोली पराजित भएको थियो । उक्त खेलमा घरेलु टोली हङकङले नेपाललाई ७३ रनले हराएको थियो ।
हङकङविरुद्धको आइतबारको खेलमा नेपाली राष्ट्रिय क्रिकेट टोलीमा रोहित कुमार पौडेलको कप्तानीमा कुशल भुर्तेल, विनोद भण्डारी, गुल्सन झा, आरिफ शेख, विवेक यादव, सन्दिप जोरा, रसिद खान, करण केसी, सागर ढकाल, प्रतिश जिसी, लोकेश बम आकाश चन्द र अविनाश बोहरा रहेका छन् ।
त्यस्तै मंगलबार नेपाल र पपुवा न्युगिनीबीचको खेल हुनेछ ।
फाल्गुन २७, २०८० ११:२८ मा प्रकाशित
