काठमाडौं । पशुपति कोटिहोम आयोजनास्थिलमा तनाव भएको छ । कोटिहोमका मुख्य आयोजक विजयकृष्ण मुर्ति भनिने विजय भण्डारीलाई प्रहरीले पक्राउ गर्न खोजेपछि भण्डारी सहित समर्थकहरु नाराबाजीमा उत्रिएका छन् । गौशला प्रहरी वृतबाट खटिएका प्रहरीले आफूलाई पक्राउ गर्न खोजेको भन्दै भण्डारीले समर्थकहरुलाई प्रतिवाद गर्न आग्रह गर्दै फेसबुक पेजमा लाइभ गरेका छन् । भिडियोमा प्रहरी कोटिहोमस्थिलमा पुगेको देखिन्छ । केहि बेर भण्डारीका समर्थक र प्रहरी बिच ठेलमठेल चलेपनि अहिले भने प्रहरी कोटिहोमस्थिल बाहिर फर्किएको छ । तर कोटिहोमस्थिलमा भने समर्थकहरु जम्मा भैरहेका छन् ।
प्रहरी पुुगेपछि आक्रोशित भण्डारीले प्रहरीले आफूूलाई फसाउन खोजेको भन्दै आन्दोलन गर्ने समर्थकहरुलाई आदेश दिएका छन् । साथै उनले अब आन्दोलन चर्किने, बंगलादेशको अवस्था आउने भन्दै उत्तेजक नाराबाजी गरिहेका छन् ।
अहिले कोटिहोमस्थ्लमा नाराबाजी चलिरहेको छ । गौशला प्रहरीले भने सामान्य धकेलाधकेल भएको तर अहिले अवस्था सामान्य भएको जनाएको छ । भण्डारीलाई पक्राउ गर्न लागिएको विषयमा भने गौशला प्रहरीका डिउटी अफिसरले केहि बताउन चाहेनन् ।
