काठमाडौँ । दसैँ मान्न घर गएकाहरु काठमाडौँ फर्कन थालेका छन् । टिकाको भोलिपल्टदेखि नै काठमाडौँ फर्कनेहरुको संख्या बढेको हो । अहिले कलंकीदेखि बसपार्क तथा कोटेश्वर क्षेत्रमा घरबाट फर्केका मानिसहरुको भिडभाड देखिन्छ ।
दसैँको समयमा करिब १३ लाख मानिस काठमाडौँबाछ बाहिरिएको बताइएको छ । यसअघिका वर्षहरुमा १८ लाख मानिसहरु उपत्यकाबाट बाहिरिने गरेकामा यस वर्ष बाढी, पहिरो लगायत कारण कम मानिसहरु बाहिरएका थिए । उपत्यका बाहिरबाट विभिन्न शिलशिलामा काठमाडौँ बस्दै आएका मानिसहरु बाहिरिन थालेपछि दशैँको मुख्य दिनहरुमा काठमाडौँ सुनसान देखिएको थियो । अहिले उनीहरु फर्कन थालेपछि चहलपहल बढ्न थालेको छ । तस्विरमा आइतबार राजधानीको नयाँ बसपार्क, बालाजु क्षेत्रमा देखिएको घरबाट फर्कनेहरुको भिडभाडः
आश्विन २८, २०८१ ११:४० मा प्रकाशित
