काठमाडौं । बाराको अमलेखगञ्जस्थित तीन नम्बर पुल नजिक बस र ट्रक ठोक्किंदा तीन जनाको मृत्यु भएको छ भने २७ जना घाइते भएका छन् ।
बारा प्रहरीका अनुसार झापाको काँकडभिट्टाबाट काठमाडौं आउँदै गरेको बा ३(००१ ख २५८७ नम्बरको बस र हेटौँडाबाट पथलैयातर्फ जाँदै गरेको ना ७ ख ७३०० नम्बरको ट्रक आज बिहान पुलमा जुधेका थिए ।
दुर्घटनामा ट्रक चालक तनहुँ घर भएका २८ वषीर्य पूर्ण गुरुङ, मकवानपुर हेटौंडाका बस चालक ४० वर्षीय हरि शम्शेर र अर्का एक पुरुषको मृत्यु भएको जिल्ला प्रहरी कार्यालय बाराले जनाएको छ ।
घाइतेहहरूको हेटौँडा अस्पताल र पुरानो मेडिकल कलेज चितवनमा उपचार भइरहेको छ ।
पुस ४, २०८० ०२:०७ मा प्रकाशित
