काठमाडौं । शक्ति बाँडफाँडका लागि नयाँ सत्ता गठबन्धनको बैठक बालुवाटारमा जारी छ ।
मन्त्रालय देखि प्रदेशको नेतृत्वसम्म भागबन्डाको लिखित सहमतिकालागि बैठक चलिरहेको बालुवाटार स्रोतले जनाएको छ ।
बैठकमा प्रधानमन्त्री प्रचण्ड सहित नेकपा एमालेका अध्यक्ष केपी शर्मा ओली, रास्वपा सभापति रवि लामिछाने तथा जसपा अध्यक्ष उपेन्द्र यादव सहभागी छन् ।
अहिलेको बैठकमा पार्टीको दोस्रो तहका नेताहरु समेत सहभागी छन् । नेकपा एमालेका उपाध्यक्ष विष्णु पौडेल, माओवादी केन्द्रका तर्फबाट उपाध्यक्ष नारायणकाजी श्रेष्ठ, उपमहासचिव वर्षमान पुन सहभागी छन् ।
अहिलेको बैठकमा रास्वपाका उपसभापति स्वर्णीम वाग्ले पनि सहभागी भएको रास्वपाले जनाएको छ ।
फाल्गुन २१, २०८० ०४:४८ मा प्रकाशित
