काठमाडौँ । नक्कली कागजात देखाएर बिरामीको उपचार गर्दै आएका सम्बुद्ध भट्टाचार्यलाई प्रहरीले नियन्त्रणमा लिएको छ । आफूले चीनबाट एमबिबिएस गरेको र शिक्षण अस्पताल महाराजगञ्जमा कार्यरत रहेको बताउने गरेका उनलाई काठमाडौँ उपत्यका अपराध अनुसन्धान कार्यालयको टोलीले सोमबार नियन्त्रणमा लिएको हो ।
त्यस्तै उनले नेपाल मेडिकल काउन्सिलको नक्कली दर्ता प्रमाण पत्र देखाएर धौलागिरि पोलिक्लिनिक समेत सञ्चालन गर्दै आएका थिए। सो पोलिक्लिनिकबाट उनले विदेश जाने व्यक्तिको मेडिकल रिपोर्टसमेत बनाउने गरेको प्रहरीका प्रारम्भिक अनुसन्धानमा देखिएको छ ।
प्रहरीका अनुसार उनी विराटनगरका स्थायी बासिन्दा हुन् ।
माघ ८, २०८० ०२:०५ मा प्रकाशित
