काठमाडाैँ । आज बिहान तिब्बतको जिजाङ्ग प्रान्तको सिगात्से केन्द्रबिन्दु बनाएर गएको भुकम्पले नेपालको पूर्वी क्षेत्रमा सामान्य क्षति गरेको छ । सो भुकम्पले कोशी प्रदेशका ५ घर र एक प्रहरीका कार्यालयमा क्षति पुर्याएको प्रदेश प्रहरी कार्यालय विराटनगरले जनाएको छ ।
उक्त भुकम्पले ओखलढुङ्गा र सोलुखुम्बुमा २/२ घरमा क्षति पुर्याएको छ भने संखुवासभामा १ घरमा क्षति पुर्याएको छ ।
क्षति पुर्याएको घरमध्ये ओखलढुङ्गाको चिसंखुगढी गाउँपालिका ५ सिरिसेका इन्द्र बहादुर परियारको घर पूर्ण रुपमा भत्किएको छ । घर भत्किएपनि मानविय क्षति भने नभएको प्रहरीले जनाएको छ । त्यस्तै ओखलढुङ्गाकै सिद्धिचरण नगरपालिका २ चुहानछापस्थित हिमाल कार्कीको घरमा आंशिक क्षति भएको प्रदेश प्रहरीले जनाएको छ ।
त्यस्तै सोलुखुम्बुको थुलुङ दुधकोशी गाउँपालिका ७ र खुम्मुपासाङ ल्हामु गाउँपालिका ५ मा पनि १/१ घरमा आंशिक रुपमा क्षति पुगेको प्रहरीले जनाएको छ ।
त्यस्तै भुकम्पले ताप्लेजुङको इलाका प्रहरी कार्यालय दोभानको कार्यालयमा पनि आंशिक क्षति पुर्याएको छ ।
